عجز عن فهم لغة مناطق الزلزال

الوطنية بريس – محمد الإدريسي

دبا عرفتو قيمة الأمازيغية ولا لا … ؟ آش غاتزيدنا الأمازيغية!؟
باش غاتنفعنا الأمازيغية!؟
مالكم كاتقلبو على المترجمين دبا رغم انا المغرب واحد؟؟؟
مالكم كاتنادمو على شدان ضد “الشلوح” “إمازيغن الاحرار” لي عايشين بالعز و الكرامة رغم القساوة.
نسيتو اصلكم و أصل جدودكم ! نسيتو أن الدولة المغربية براسها خرجات من جبل ! نسيتو أن الرباط و فاس و اكادير و مراكش بناوها إبو درارن “سكان الجبل” . عرفتو شكون هما الموحدين جاو من هنا.السعديين لي أسسو مؤسسة المخزن! جاو من هنا …
نسيتو أن الأطلس رمز بلادكم لي معرفتوهش.و الأمازيغية لغتكم لي ماعرفتوهاش و مابغيتوش تعلموها.وصفتوها بالطلاسم ووصفتو من يتحدثها بالعجائز!
أمن العاجز اليوم على فهم الإنسان المتضرر!!!? جاوب اسي الفرملي و سي العسكري و سي الصحفي و سي الطبيب المثقف…
جبال الأطلس إهتزت لتذكركم بأصلكم و معدنكم و بلغتكم وجذوركم.